ໃຈກາງເມືອງເກົ່າ ແລະ ຕຶກງາມໆ ໃຫ້ຄວາມຮູ້ສຶກແບບຢ້ອນຍຸກ (vintage) ທີ່ເອກກະລັກບໍ່ຄືໃຜ. ເຊິ່ງຫຼາຍປີຜ່ານໄປ ຕຶກເຫຼົ່ານີ້ຍິ່ງມີສີສັນ ແລະ ຄວາມງົດງາມເພີ່ມຂຶ້ນ ເຊິ່ງເປັນບ່ອນທີ່ຖ່າຍຮູບອອກມາໄດ້ງາມຢ່າງຍິ່ງ.

ຮູບແຕ້ມຝາຜະໜັງທີ່ກະຈາຍຢູ່ທົ່ວເມືອງ, ໄດ້ສະທ້ອນໃຫ້ເຫັນພາບການດຳລົງຊີວິດແບບດັ້ງເດີມ, ເຮັດໃຫ້ທ່ານຄວາມຮູ້ສຶກຄືໄດ້ກັບຄືນສູ່ອະດີດ. ພ້ອມດຽວກັນນັ້ນ ດ້ວຍຄວາມຄິດສ້າງສັນຂອງຊາວເມືອງທີ່ ໄດ້ນຳໃຊ້ພື້ນທີ່ເດີມ ໃຫ້ເກີດປະໂຫຍດ ແມ່ນການສະແດງອອກ ເຖິງທ່າແຮງໃໝ່ໆ ຂອງສະຫວັນນະເຂດ ໃນປະຈຸບັນ. ທັງໝົດນີ້ແມ່ນການປະສົມປະສານທີ່ສົມບູນແບບຂອງອະດີດ, ອະນາຄົດ, ມໍລະດົກ, ແລະ ຄວາມທັນສະໄໝ ເຂົ້າໄວ້ນຳກັນຢ່າງສົມບູນແບບ.