top of page
ຕົວເມືອງນີ້ ໄດ້ສະແດງເຖິງພະລັງຂັບເຄື່ອນທາງວັດທະນະທຳທີ່ ໜ້າສົນໃຈຢ່າງຍິ່ງ, ເຊິ່ງກວມເອົາທັງ ການອະນຸລັກວັດທະນະທຳ ແບບດັ້ງເດີມ ແລະ ການສົ່ງເສີມຮູບແບບຮ່ວມສະໄໝ ດ້ວຍງານ Savan Fun Fest ທີ່ມີຊື່ສຽງ ແລະ ຈັດຂຶ້ນເປັນປະຈຳໃນທຸກໆ ເດືອນມັງກອນ ຫຼື ເດືອນກຸມພາ.
ງານວັດທະນະທຳ ແລະ ບຸນປະເພນີຕ່າງໆ
ແຂວງສະຫວັນນະເຂດມີຄວາມຕັ້ງໃຈທີ່ ຈະນຳໃຊ້ພະລັງຂັບເຄື່ອນນີ້ ເພື່ອເປັນການໂຄສະນາໃຫ້ເມືອງນີ້ເປັນທີ່ຮູ້ຈັກ ແລະ ດຶງດູດຜູ້ຄົນໃຫ້ມາທ່ຽວຫຼາຍຂຶ້ນ. ຖ້າທ່ານຕ້ອງການຂໍ້ມູນເພີ່ມເຕີມກ່ຽວກັບ Savan Fun Fest, ເຂົ້າໄປເບິ່ງທີ່ໜ້າເຟສບຸກ Facebook
ໂຄງການໃຫຍ່ໃນຕອນນີ້ແມ່ນ ເພື່ອປັບປຸງ ແລະ ຂະຫຍາຍ ຫໍພິພິທະພັນປະຈຳແຂວງໃຫ້ດີຂຶ້ນ ເຊິ່ງເປັນສ່ວນໜຶ່ງພາຍໃຕ້ໂຄງການ CHAMPA ທີ່ໄດ້ຮັບການສະໜັບສະໜູນທຶນ ຈາກອົງການເພື່ອການພັດທະນາຂອງຝຣັ່ງ Agence Française de Développement.
ພິພິທະພັນແຂວງ
ພາຍຫຼັງຈາກການປັບປຸງໃໝ່ ຫໍພິພິທະພັນແຫ່ງນີ້ ຈະກາຍເປັນບ່ອນຮວບຮວມເອົາຂອງສະສົມຈາກ ໜອງເຫືອທອງ ແລະ ວັດຖຸທີ່ເກັບກຳຈາກຫໍພິພິທະພັນໄດໂນເສົາ ພ້ອມກັບຂອງສະສົມໃນປັດຈຸບັນ ໂດຍມີເປົ້າໝາຍທີ່ຈະກາຍເປັນໜຶ່ງໃນຈຸດໝາຍທີ່ໜ້າສົນໃຈທີ່ສຸດໃນພາກພື້ນ ດ້ວຍການອອກແບບ ແລະ ຮູບແບບການວາງສະແດງໃໝ່ໝົດ, ການປັບປຸງໃໝ່ນີ້ຈະດຶງດູດນັກທ່ອງທ່ຽວມາຍັງແຂວງສະຫວັນນະເຂດຫຼາຍຂຶ້ນ! (ກຳນົດຈະເປີດໃນປີ 2027).
ຕ້ອງການຂໍ້ມູນເພີ່ມເຕີມ
ກ່ຽວກັບສະຫວັນນະເຂດ?
ຫຼືທ່ານສາມາດ ຕິດຕາມພວກເຮົາໄດ້ທີ່ຊ່ອງທາງອອນລາຍ:
bottom of page