top of page
ສະຖານທີ່ອ້ອມຂ້າງສະຫວັນນະເຂດກໍບໍ່ໄດ້ດ້ອຍໄປກວ່າກັນ: ຫ່າງຈາກເມືອງເກົ່າພຽງເລັກນ້ອຍ, ມີສະຖານທີ່ທ່ອງທ່ຽວຫຼາຍແຫ່ງເຊັ່ນ: ພະທາດອີງຮັງ, ສັ້ນທາງລຽບຕາມເຊຈຳພອນ ຫຼື ໜອງບຶງວາ ເຊິ່ງເປັນຈຸດດຶງດູດນັກທ່ອງທ່ຽວທີ່ສຳຄັນ ເຮັດໃຫ້ທ່ານຢາກຢູ່ທີ່ນີ້ດົນຂຶ້ນ
ອ້ອມຮອບສະຫວັນນະເຂດ
ພະທາດອີງຮັງ
ພະທາດອີງຮັງ ແມ່ນພະທາດສັກສິດທີ່ໄດ້ຮັບການຂຶ້ນທະບຽນເປັນມໍລະດົກແຫ່ງຊາດ, ຕັ້ງຢູ່ຫ່າງຈາກຕົວເມືອງສະຫວັນນະເຂດໄປທາງທິດຕາເວັນອອກສຽງເໜືອ 12 ກິໂລແມັດ. ພະທາດແຫ່ງນີ້ໄດ້ຖືກສ້າງຂຶ້ນຄັ້ງທຳອິດໃນປີ 307 ກ່ອນ ຄ.ສ. (BC), ກ່ອນຈະໄດ້ຮັບການສ້ອມແປງໃນກາງສະຕະວັດທີ 16, ແລະມີລາຍງານວ່າເປັນທີ່ປະດິດສະຖານພະບໍລົມມະສານີຣິກະທາດກະດູກສັນຫຼັງຂອງພະພຸດທະເຈົ້າ. ພະທາດອີງຮັງເປັນສະຖານທີ່ສັກສິດທີ່ສຳຄັນຂອງພຸດທະສາສະນິກະຊົນລາວແລະໄທ,ໂດຍສະເພາະໃນຊ່ວງງານບຸນປະຈຳປີໃນເດືອນທັນວາ.
ການເດີນທາງ: ສາມາດເຂົ້າເຖິງໄດ້ໂດຍລົດຕຸກຕຸກ, ລົດຖີບ, ຫຼືລົດຈັກ. ເປີດໃຫ້ເຂົ້າຊົມທຸກມື້ຕັ້ງແຕ່ເວລາ 8:00 ໂມງເຊົ້າ ຫາ 6:00 ໂມງແລງ.
ໜອງບຶງວາ
ໜອງບຶງວາແມ່ນ ໜອງນ້ຳຂະໜາດໃຫຍ່ ຕັ້ງຢູ່ທາງທິດຕາເວັນອອກຂອງ ສະຫວັນນະເຂດ 8 ກິໂລແມັດ, ສາມາດໄປເຖິງໄດ້ງ່າຍດ້ວຍລົດຖີບ, ລົດຈັກ ຫຼື ລົດຕຸກຕຸກ. ສະຖານທີ່ນີ້ເຮັດໃຫ້ທ່ານໄດ້ສໍາຜັດກັບວິຖີຊີວິດແບບຊົນນະບົດ ແລະ ເປັນຈຸດແວ່ພັກທີ່ດີງາມລະຫວ່າງທາງກັບຈາກການຢ້ຽມຊົມພະທາດອີງຮັງ. ມີຮ້ານອາຫານທ້ອງຖິ່ນຫຼາຍແຫ່ງໃຫ້ບໍລິການຕາມແຄມໜອງ.
ສັ້ນທາງລຽບຕາມເຊຈຳພອນ
ທ່ານສາມາດທ່ຽວອ້ອມຮອບພາຍໄດ້ໃນ 1 ຫຼື 2 ວັນ, ຊ່ວຍໃຫ້ທ່ານຄົ້ນພົບສະຖານທີ່ສຳຄັນຕ່າງໆ ອ້ອມຂ້າງສະຫວັນນະເຂດ ແລະ ໄດ້ສໍາຜັດພາບບັນຍາກາດການປູກເຂົ້າ ເຊິ່ງໃນນັ້ນລວມມີ: ລິງປ່າ, ຫໍໄຕປີດົກ, ຮູບແຕ້ມຝາຜະໜັງ, ວັດຕະຫຼິວເກົ່າ, ໜອງເຕົ່າ, ແຂ້ນໍ້າຈືດແລະ ອື່ນໆອີກຫຼາຍຢ່າງ. ດ້ວຍຄວາມອຸດົມສົມບູນທາງມໍລະດົກ ລຽບຕາມເສັ້ນທາງເຊຈຳພອນ ເຮັດໃຫ້ເສັ້ນທາງນີ້ກາຍເປັນທີ່ນິຍົມທຽບເທົ່າກັບເສັ້ນທາງລຽບທ່າແຂກ ແລະ ເຂດພູພຽງບໍລະເວນ.
ເຖິງແມ່ນວ່າຈະສາມາດເດີນທາງດ້ວຍລົດຖີບ ຫຼື ລົດຕູ້ພ້ອມຜູ້ແນະນໍາກໍຕາມ, ວິທີທີ່ດີທີ່ສຸດໃນການເດີນທາງຕາມເສັ້ນທາງລຽບນີ້ຄືການເຊົ່າລົດຈັກຈາກສະຫວັນນະເຂດ.
ຕ້ອງການຂໍ້ມູນເພີ່ມເຕີມ
ກ່ຽວກັບສະຫວັນນະເຂດ?
ຫຼືທ່ານສາມາດ ຕິດຕາມພວກເຮົາໄດ້ທີ່ຊ່ອງທາງອອນລາຍ:
bottom of page